—
Sterk, varm og humoristisk
BULs versjon av hørespillet Risk er godt nytt, skriv
Adresseavisens anmeldar Frida Holsten Gullestad etter premieren fredag 28.
september 2007. Ho framhevar dei sceniske løysingane, Petter Rossvoll
som Mattis, og framfor alt det kollektive løftet. Ho konkluderer med
at "Regissør Rickard Skjong har gjort en kjempejobb med adapsjonen
fra radio til scene — og resultatet er både se- og hørbart
samtidsteater".
Sjå Adressa 29. september 2007
Handlinga
I Risk møter vi den unge guten Mattis. På Blakstad psykiatriske
sjukehus må han gjennom ein smerteleg prosess. Mattis er ikkje som alle
andre. Han er smartare. Og han skal ut herifrå. Men først må
han finne ut kva som gjekk gale. Og kva med stemmen? Den er der framleis,
er den ikkje? Med hjelp av psykiateren startar Mattis prosessen med å
gå gjennom alt på ny: Flyttinga til Paris, forsøket på
å henge med i det vanvittige køyret på École Supérieure
de Commerce, og så er det Brit – som han forelskar seg i. Var
han verkeleg med i UCK – den albanske fridomshæren? Er han ein
mordar? Og kva med jenta i den utbomba kjellaren? Gjennom Mattis får
vi innblikk i dei hendingane som drog han inn i psykosen.
Regi og scenografi: Rickard Skjong — Lys: Socar Frostad Udbye —
Kostymer og rekvisittar: Sigrid Moe
Produsent: Kirsti Petersen (98477567)
Plakat: Tor M. Hetland — Foto: Maarten van der Velde
Spennande, ny norsk samtidsdramatikk
Det er duka for urpremiere i BUL-salen når Teaterlaget
set opp sceneversjonen av «Risk» av Christopher Grøndahl.
«Risk» er i utgangspunktet eit høyrespel, og NRK radioteatret
sin produksjon av stykket vann i 2003 prisen for beste radiodrama i det prestisjefylte
Prix Europa i Berlin.
Speleplan:
fredag 28. september kl 19:00
laurdag 29. september kl 19:00
søndag 30. september kl 19:00
måndag 1. oktober kl 19:00
tysdag 2. oktober kl 19:00
torsdag 4. oktober kl 19:00
fredag 5. oktober kl 19:00
laurdag 6. oktober kl 19:00
søndag 7. oktober kl 19:00
- alle dagar i BUL-salen, Gildevangen, Søndre g 22 B
Billettar:
Vaksne kr 100 / Studentar kr 80 / Grupper over 10 personar kr 70
Bestill billettar pr e-post til teaterlaget@bulinidaros.no
— eller kjøp ved inngangen
Ibsenprisen
til Christopher
Grøndahl
Tysdag 20. mars i år fekk Christopher Grøndahl Ibsenprisen 2007
for høyrespela Tundra og Silent winds of Blackpool,
som vart sendt i Radioteatret i 2006. Silent winds of Blackpool er
også nominert til prisen for beste radiodrama under Prix Europa, den
prisen som Risk vann i 2003. Grøndahl har hausta mange lovord
som dramatikar etter at han debuterte med høyrespelet «Niveanatt»
i 2001. Han stod mellom anna bak manus til filmthrilleren «Villmark»
(2003) og til dokumentarfilmen om Erik Bye – Giganten (2005). Det er
første gong eit stykke av Grøndahl blir sett opp i Trondheim.
Les meir om Christopher Grøndahl på heimesida hans.
«Risk er eit spel der minst tre personar kjemper om verdsherredømmet»
