Sommarteater på Munkholmen 8.-29. juni 2007: Alice i eventyrland

Superlativ for Alice på Munkholmen
Superlativa sit laust etter premieren på Alice i eventyrland 8. juni på Munkholmen. «Eit verkeleg eventyr» og «ei leiken og intelligent framsyning som både er hysterisk morosam og imponerande velspela», skriv Amund Grimstad i Klassekampen – og konkluderer med at «oppsettinga av Alice i eventyrland er ein sensasjon! Punktum». «Magisk og frisk oppsetting» skriv Heidi O. Wollamo i Adresseavisen, og konkluderer med at «Det må ha boblet og sydet av kreativitet i tårnet på Munkholmen». [11.06.07]

Sjå Klassekampen 11. juni 2007
Sjå Adressa 9. juni 2007

Årets sommarteater på Munkholmen er barnebokklassikaren "Alice i eventyrland " av Lewis Carroll, i Mads Bones og Olve G. Løseth sin regi.

NB! Billettsalet går så det susar, og enkelte dagar er no utselt! Kontakt Olavshallen på tlf 73994050 eller bestill på nett hos Billettservice.

Denne snart 150 år gamle romanen pirrar stadig fantasien og eventyrlysta hos nye generasjonar. På Munkholmen i år skal vi altså følgje Alice, der ho smett etter den merkelege kaninen ned i eit hol i jorda og ned i ei underleg verd. Vi skal skal møte den sære dronninga, den levande kortstokken, kålormen, filurkatten, hattemakaren og mange andre merkverdige vesen! Som vanleg når BUL spelar sommarteater på Munkholmen: noko for alle aldrar!

Vår versjon av Alice i eventyrland har nyskriven musikk av Mads Bones, som også har regien på stykket i lag med Olve G. Løseth. Dei hadde nyss stor suksess med musikalen "Three Blocks Away" i Stundentersamfundet i samband med ISFIT-festivalen 2007. Dei har "vakse opp" i Teaterlaget, og har nyleg fullført teaterutdanning i Århus (GITIS).

Rundt 30 av Teaterlagets skodespelarar i alle aldrar vil delta i årets oppsetning.

PR-materiell: Kjetil Nordø © har laga plakatar, flygeblad og pressefoto til oppsetninga - alle med Emilie Mordal Konradsen (Alice) som modell. Sjå foto
Presse: kontakt Kjetil Nordø © for høgopplyseleg versjon av bilda.

Kostymevernisage 29. mai
Tysdag 29. mai skal alle kostymene til Alice visast fram på Munkholmen!

Speleplan:
Premiere fredag 8. juni kl 1830
Søndag 10. juni kl 1530 og 1830
Måndag 11. juni kl 1830
Tysdag 12. juni kl 1830
Onsdag 13. juni kl 1830
Torsdag 14. juni kl 1830
Fredag 15. juni kl 1830
Søndag 17. juni kl 1530 og 1830
Måndag 18. juni kl 1830
Tysdag 19. juni kl 1830
Onsdag 20. juni kl 1830
Torsdag 21. juni kl 1830
Fredag 22. juni kl 1830
Søndag 24. juni kl 1530 og 1830
Måndag 25. juni kl 1830
Tysdag 26. juni kl 1830
Onsdag 27. juni kl 1830
Torsdag 28. juni kl 1830
Fredag 29. juni kl 1830

Grupper over 15 personar kr 120 - Born/honnør kr 130 - Vaksne kr 160

Førehandstinging av gruppebillettar fram til 20. mars på e-post teaterlaget@bulinidaros.no
Ordinært billettsal hos Olavshallen tlf 73 99 40 50 og hos Billettservice

Produksjonsleiarar: Marit Eriksen og Yvonne Gipling